Sopoti merr “hak” ndaj Adës për humbjen e fazës së parë, falë golit të Hajdarit në pjesën e dytë. Edhe pse në pozita shumë të vështira në klasifikim, librazhdasit kanë përballuar me sukses një ekip të fortë si Ada, që tashmë ka dalë nga gara për 4-shen e parë. Sopoti ka dominuar në këtë ndeshje, fakt që e ka pranuar edhe trajneri kundërshtar në fund. Ka qenë një lojë e pastër nga të dy ekipet, që në fund janë ndarë miqësisht. I është rikthyer golit edhe sulmuesi Shkëlqim Hajdari, i cili ka dhënë maksimumin, duke i dhënë tri pikët Sopotit. Vendësit hidhen në sulm që në fillim dhe Hajdari jep sinjalin e parë, duke goditur nga larg. Portieri i ri i Adës, Gjergji, ka bërë një paraqitje shumë të mirë, duke u mohuar disa gola librazhdasve. Edhe Ada rrezikon me Nikën, por pa shënuar. Myftari reagon me një gjuajtje fluturimthi, por portieri bën mrekullinë, duke larguar topin.

Vendose ne Facebook

Një ngjarje e rëndë ka ndodhur sot në Librazhd. Një 20-vjecar ka humbur aksidentalisht jetën pasi është përplasur gjatë një gare me motorra. Mësohet se Erjon Vrioni nga Shijaku, ka qënë pasagjer në motorrin e shokut dhe gjatë garës janë përplasur me dy motocikleta. Trupi i të riut ka fluturuar disa metra në ajer dhe më pas ka rënë pa ndjnja disa merta larg vendit të përplasjes. E dhe pse është dërguar menjëherë në spital, ai nuk ka mundur të mbijetojë prej plagëve të rënda.

Vendose ne Facebook

Urat e autostradës Durrës-Morinë marrin jetën e punëtorit të tretë brenda pak muajsh. Përparim Gjonaku, 36 vjeç nga Librazhdi gjeti vdekjen në mënyrë tragjike mesditën e djeshme, pasi ra nga një lartësi prej 70 metrash. Ngjarja ndodhi 3 km larg qytetit të Kukësit, në segmentin Kolsh-Myç Mamëz, ku po ndërton firma "Alb-Building". Burime të policisë dhe nga vendi i ngjarjes thanë se viktima, hekurkthyes, rrëshqiti kur ka vënë këmbën në një llamarinë që ishte vendosur mbi dy kolonat e betonit të trasesë së urës. Ajo ka rrëshqitur, duke shkaktuar rënien e punëtorit poshtë këmbëve të urës, shumë pranë ujërave të liqenit.

Vendose ne Facebook

Një ngjarje e rende me pasojë plagosjen e dy adoloshentëve ka ndodhur gjate natës ne fshatin Kotodeshe pranë Prrenjasit. Dy adoloshentet emrat e te cileve nuk behen ende të ditur u plagosën me armë gjahu. Mësohet se gjithcka ka ardhur pas nje grindje mes tyre .Dy adoloshentet u deguan menjëherë në spitalin e Elbasanit ku po marrin trajtim mjekesor. Mjeket thonë se gjendja e tyre paraqitet e rëndë. Policia mberriti menjehere ne vendgjarje dhe nisi hetimet per ngjarjen e rende. Mesohet se deri tani 5 adoloshente te tjere janë shoqeruar në polici ku po pyeten per rrethanat e ngjarjes.

Vendose ne Facebook

Rritja e papërballueshme e çmimeve dhe varfëria ekstreme e shqiptarëve ka bërë që si asnjëherë në këto 20 vitet e fundit, pogradecarët, librazhdasit e shumë banorë nga Elbasani e Korça të “pushtojnë” tregjet e qyteteve më të afërta në Maqedoninë fqinje. Për këtë shkak, kohët e fundit në këto qytete e shumë zona rurale kufitare janë vendosur linja të rregullta furgonësh që transportojnë blerësit për në tregjet e Strugës, Ohrit e anasjelltas. “Ne po varfërohemi çdo ditë, ndërsa çmimet në Shqipëri po rriten si askund. Ndërsa në tregjet e Ohrit apo të Strugës, çmimet e artikujve ushqimorë janë nga 30 deri në 50 për qind apo më lirë se tek ne. Këtu nuk bëhet fjalë për mollën apo ndonjë frut tjetër, ku një kilogram tek ne është 3 apo 4 herë më shtrenjtë se në tregun maqedonas”, - pohuan dje për “Gazeta Shqiptare” disa blerës nga Katjeli i Përrenjasit, që pas pazarit në Ohër po ktheheshin si çdo ditë me furgonin e linjës.

Vendose ne Facebook

Përsëri probleme në ndeshjet e kampionatit shqiptar. Eshtë arrestuar pasditen e djeshme presidenti i ekipit të Burrelit, pasi goditi vëzhguesin e ndeshjes në Librazhd. Ngjarja ndodhi pas përfundimit të ndeshjes Sopoti-Burreli, e cila u mbyll në avantazh për skuarën e Librazhdit.
Menjëherë pas përfundimit të ndeshjes presidenti Murat Koliqi ka goditur vëzhguesin e ndeshjes Sazan Velcani, i cili ka mbetur në vend pa ndjenja për rreth 3 minuta. Sipas zëdhënëses së Policisë Valbona Begu, bëhet e ditur se debati ka nisur pas ndeshjes që u fitua 1-0 nga ekipi i Sopotit, kur presidenti i ekipit të Burrelit Murat Koliqi.

Vendose ne Facebook

Rrëshqitjet e dheut kanë bllokuar për disa orë rrugën Librazhd-Prrenjas. Mësohet se rreth orës 3:00 të mëngjësit të sotëm një masiv dheu ka rënë në vendin e quajtur kthesat e Dragostunit mbi hekurudhë dhe aks duke shkaktuar bllokimin e tyre.
Për disa orë qarkullimi i automjeteve në të dy kahët si dhe i trenit ka qënë i pamundur, ndërsa është shkaktuar trafik. Ndërhyrja e drejtorisë së rrugëve me mjetet përkatëse ka bërë të mundur pastrimin e hekurudhës dhe aksit Librazhd-Prrenjas duke rikthyer normalitetin në qarkullim.

Vendose ne Facebook

Ekspertët psikiatër të Institutit të Mjekësisë Ligjore kanë kryer ekzaminimet e dy autorëve të ngjarjeve më të rënda të ndodhura në dy muajt e parë të këtij viti. Haki Miska dhe Besim Karaj janë vizituar nga specialistët për të parë gjendjen e tyre psikike. Veprat penale të kryera prej këtyre personave konsiderohen si më të rëndat të ndodhura ndonjëherë në vendin tonë dhe ekspertët u thirrën të bënin kontrollin e tyre mendor. Burime nga Mjekësia Ligjore i thanë gazetës se asnjë prej këtyre personave nuk ka rezultuar me probleme të shëndetit mendor.

Vendose ne Facebook

Policia e Elbasanit ka vënë në pranga tre të rinj mes tyre një i mitur dhe ka shpallur në kërkim disa persona të tjerë, për shpërndarje të drogave kryesisht në shkollat e Librazhdit dhe të Përrenajsit. B. L-17 vjeç, Ervis Mekshi 19 vjeç dhe Olsi Hasanymeri 39 vjeç u arrestuan gjatë natës, sepse sipas policisë së Elbasanit prej kohësh bënin pjesë në një rrjet shpërndarësish të drogave kryesisht të llojit canabis sattiva.

Vendose ne Facebook

Një lagje e tërë rrezikon të shembet në rrethin e Librazhdit. Dukuria e rrëshqitjes së tokës është përsëritur mbrëmjen e së shtunës, në lagjen Brazhda të fshatit Dorës, Komuna Qendër, rreth 20 km larg qytetit të Librazhdit. Sipas burimeve nga vendi i ngjarjes, 2 shtëpi të ndërtuara para katër vjetësh janë shembur plotësisht. Ndërkohë që pesë janë bërë të pabanueshme, në tetë shtëpi të tjera ka pasur dëmtime të lehta. Shirat e fundit kanë bërë që sipërfaqja e tokës ku është vendosur kjo lagje të rrëshqasë pjesë-pjesë dhe banorët e kësaj lagjeje e kanë kaluar natën jashtë nga frika e shembjes së shtëpive.

Vendose ne Facebook